大部份啱啱畢業的大學生出來搵工都唔知點寫期望薪酬（Expected Salary），開得太高又怕自己冇競爭力，開得太低又唔啱心水，究竟定價有何標準？點寫先最好？即刻記低以下3個重點：
- 研究市場薪酬水平：
同老細講數前，都要搜集關於行業同職位的薪酬水平，做好兩手準備。你要先了解自己係市場的價值，才可以比較自己份糧是否與行業標準相符。另外，你都要考慮企業的實際情況。一間初創企業可能無法支付與大型企業相同的薪資水平。同時，企業的地理位置、行業、公司文化等都會影響薪資水平。你需要根據企業的實際情況，來訂立一個合理的期望薪酬。
- 預留還價空間
通常面試的最後一個環節都會談及薪金，通常會有兩個情況：
- 你和僱主的定價相約，所以一拍即合。
- 僱主討價還價，結果金額低於你要求。
如果想保留議價空間，建議了解市價後再預留5%比對方還價。咁樣既可以在對方還價時設立底線，也可令你更易獲得理想薪金。當然，你亦可以考慮提出一個彈性期望薪酬。例如，你表示願意接受較低的起薪，但需要有相應的晉升空間和加薪機會。咁樣不但顯示你對工作的誠意，同時亦表明你係一位有長遠規劃和追求發展的人才。
- 履歷expected salary寫作技巧
求職者寫expected salary時通常都會寫一個range，例如「期望薪酬：$20,000 – $25,000」，而非實數。記得寫expected salary range時謹記範圍唔可以太闊，最好將expected salary range訂在10-15%內。否則，公司見你訂的範圍咁闊可能會以為你唔了解市場行情，除左容易比公司壓價之外，更留下負面的形象。同時，寫了expected salary range就切忌寫上「negotiable」等字眼。 Expected salary range的下限其實就反映你的底線，如果加上negotiate就畫蛇添足了。
不過，最重要都係執靚個CV，先更多機會獲得面試資格。CV點寫好？更多資訊可以瀏覽：https://www.andrewfound.com/zh-hk/「有人幫你搵工都偷笑」趕客cv八大特質-你又中幾/